Rematada a obra na Casa de Cultura e entorno. A biblioteca contará con calefacción.

Hai uns días rematou esta obra do Plan E 2010, adxudicada por Restauración do Hábitat Caamaño S.L. de Pontecesures, e que tivo un custo de 80.240,35 euros.
Na Casa da Cultura, onde está instalada a bilbioteca municipal, renovouse a cuberta, arranxouse a carpintería das portas e ventás, colocarónse novos canalóns, acondicionouse o espazo do semisoto do edificio que estaba totalmente abondoado, e dotouse ao edifico dunha entrada para discapacitados nunha fachada lateral.
Tamén nesta actuación, empedrouse toda a zona de dominio público a carón da biblioteca e do edificio do club xuvenil onde hai numerosas actividades do concello, ANPA e outros colectivos, arranxouse un muro de contención que estaba danado e colocouse unha varanda de protección.

O goberno local tiña especial interese en mellorar estas instalaciones que son moi usadas polos veciños. Imos seguir coa potenciación da biblioteca e do seu entorno. Por unha banda está prevista a colocación da calefacción no edificio (una das actuacións do módulo de fontanería solar térmica do obradoiro de emprego Pontecesures II) e por outra o axardinado da parte traseira do mesmo.