A ACP lamenta que se convoquen plenos en horario de mañá onde as ocupacións de concelleiros sen dedicación exclusiva dificultan a asistencia ás sesións. ? un pleno, o do xoves 20 de marzo ás 13:15 horas, que ten a súa importancia porque vaise debater sobre o servizo de axuda no fogar e o incremento de tarifas (hai unha suba do prezo/hora de referencia) que propón o goberno municipal nestes intres de dificultades para as familias.
Xa chama a atención de entrada, que o concello espere a última hora para adaptar as ordenanzas municipais de axuda no fogar ao Decreto 149/2013 da Consellería de Traballo e Benestar que foi publicado o 24 de setembro de 2013. A disposición final cuarta do decreto concede un prazo de seis meses para adaptar a ordenanza municipal e esta norma, e este remata o 25 de marzo. Pois ben; un goberno cun concelleiro de servizos sociais cobrando unha dedicación exclusiva non pode ter esta pasividade. Nin se informa de nada á oposición nin se actúa en todo o tempo que houbo dende a entrada en vigor da norma autonómica. Agora, con presa, convócase un pleno de mañá e nin sequera van entrar en vigor as ordenanzas no prazo concedido pois aínda hai que expoñelas ao público para alegacións antes da aprobación definitiva. Esperemos que a Xunta considere que coa aprobación inicial dentro dos seis meses é suficiente.
Pontecesures, 18/03/14
Luis Ángel Sabariz Rolán
Concelleiro da ACP Pontecesures
Nun principio colocáronse bolardos e só atravesaban os vehículos para o uso do aparcadoiro do supermercado. Agora, derrubados e retirados os bolardos, utilízase a plaza peonil para o estacionamento de todo todo tipo de vehículos Leer más…
Na mañá de onte tivo lugar a entrega de premios do Certame de Relato Curto realizado polo Concello de Pontecesures no marco do Día das Letras Galegas deste ano. Formando o xurado, contamos coa presenza Leer más…
0 comentarios