ESTA FIN DE SEMANA DE ANTROIDO O EXTRUGASA RIO ULLA XOGA O PARTIDO ATRASADO DA SEMANA PASADA

O rival é o BBC de Vilagarcía (actualmente 4º na clasificación provisional da liga), e posto que a pasada fin de semana non se opoido xogar por falta de árbitros, e nesta non había partidos, puxemos o encontro. Vaise celebrar hoxe sábado ás 17 h. no polideportivo cesureño, e é un partido clave para manter o primeiro posto da liga. Esperamos contar con público apoiando, e ca baixa segura de pedro Cachote, Peñaño que probará a xogar un rato logo de 3 semanas parado, e a dúbida de última hora de Nacho, por traballo. Bo partido para ver diante dun equipo mais xoven pero ca ilusión de ascender. 

Por outra banda, os cadetes tamén van recuperar 2 encontros atrasados. Hoxe xogaron, e perderon contra o BBC (esta máña) 36 – 62, nun partido no que chegaron ó descanso perdendo de 3 e xogando bastante ben, pero os nervios e a mala defensa propiciaron a derrota.

O luns ás 18 h. os cadetes xogan contra o Cambados en Pontecesures, para recuperar outro encontro aprazado no seu momento.