Proposta para adscripción de Catoira a área sanitaria de Santiago.

Publicado por Luis Angel Sabariz Rolán en

O pleno de Catoira vai debater na súa sesión do vindeiro venres a proposta da alcaldía para solicitar á Consellería de Sanidade a incorporación deste termo municipal na área sanitaria de Santiago «por constituír unha importante mellora socio-sanitaria para a poboación».

A proposta será aprobada con toda seguridade xa que o PSOE (grupo do que parte a iniciativa) conta con maioría absoluta. O alcalde confía agora en que sexa tida en conta na consellería e, de feito, xa fixo algunha xestión neste terreo.

Catoira pertence actualmente á area sanitaria de Pontevedra de xeito que os seus veciños deben acudir aos hospitais de Montecelo e O Salnés, e no caso dalgunhas especialidades, incluso ata Vigo.

Desde Catoira alegan que ten maior vinculación socioeconómica e histórica coa área de Compostela e, de feito, «os catoirense acoden con asiduidade ao Complexo Hospitalario Universitario de Santiago a través da unidade de urxencias, de atención ou de atención primaria mediante os médicos de desprazados», subliña a iniciativa plenaria.

Desde a alcaldía tamén argumentan que a medida está xustificada xeograficamente xa que concellos próximos como Valga ou Pontecesures pertencen a esta demarcación así como outros máis afastados como Lalín ou Muros.

«De feito, a distancia ao hospital de Montecelo supera en dous quilómetros ao de Santiago e as comunicacións con este último son máis accesibles, tanto no que se refire ás vías como aos medios de transporte», explícase na moción.

A alcaldía lembra que se trata dunha vella reivindicación que está xustificada «pola vinculación do noso municipio coa capital galega desde tempos inmemoriais», conclúe.

LA VOZ DE GALICIA, 26/08/07


0 comentarios

Deja una respuesta

Marcador de posición del avatar

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.