No Pleno celebrado o día 25 de maio de 2009, aprobouse por unanimidade unha moción presentada polo B.N.G. de Pontecesures, instando ás autoridades eclesiásticas a retirar as inscricións da fachada da igrexa parroquial de Pontecesures por mor da Lei da memoria histórica.

O Arcebispado de Santiago de Compostela comunicou ao Concello que poden verse afectados familiares das persoas relacionadas no símbolo da fachada, considerando necesario que cada familia teña a oportunidade de manifestar as súas alegacións, comentarios ou suxestións para unir ao expediente.

No símbolo da fachada da igrexa están nomeadas as seguintes persoas:
�?� Adolfo González Casal.
�?� José Gómez Grela.
�?� José Oliveira Limeres.
�?� Manuel Lafuente Moreiras.
�?� Francisco Vieites Pérez.
�?� J. Angel Angueira Fernández.
�?� José Dios Bugallo.
�?� José Bóveda Villamarín.
�?� Ramón González Jamardo.

En consecuencia, comunícase que se abre un prazo que remata o 31 de agosto para que os familiares das persoas anteriormente citadas presenten por escrito no Concello as alegacións, comentarios ou suxestións que consideren oportunos, en canto á iniciativa proposta.

Pontecesures, 24 de xullo de 2009.

A alcaldesa,

Asdo.: Mª Isabel Castro Barreiro.