Proposta do equipo de goberno sobre remodelación da zona portuaria de Pontecesures.

A proposta, que vai ser sometida ó pleno do luns día 28 de xaneiro, foi ditaminada favorablemente pola Comisión Informativa de Urbanismo, Obras e Servizos con tres votos favorables (a alcaldesa, Jesús Rey e Luis Sabariz) e dúas abstencións (Alvarez Angueira e Cecilia Tarela) e di o seguinte:

Hai uns días foi enviado a este concello o anteproxecto da obra «Remodelación da zona portuaria de Pontecesures», xunto co texto do Convenio de Colaboración entre Portos de Galicia e o Concello para a execución e mantemento de ditas obras.

Analizado o documento do convenio e do anteproxecto, proponse ó pleno a adopción do seguinte acordo:

1-Aprobar o Convenio de Colaboración entre Portos de Galicia e o Concello de Pontecesures para a execución e mantemento das obras de remodelación da zona portuaria de Pontecesures, nos seus propios termos.

2-Facultar á alcaldía para a sinatura do convenio co presidente de Portos de Galicia.

3-Dar a conformidade ó anteproxecto presentado, formulando de tódolos xeitos, as seguintes suxestións:

-� moi necesario seguir contando coa pista polideportiva do peirao no seu actual emprazamento. � unha instalación moi utilizada pola poboación de Pontecesures e debe investirse no seu acondicionamento en canto ó valado de protección.

-Na rampla varadoiro próxima á EDAR é preciso facer unha actuación que posibilite embarcar ós mariñeiros que usan esta instalación. Na actualidade, e coa baixamar, é moi difícil acceder ás embarcacións porque a auga está moi baixa en relación coa parte final deste varadoiro.

-Tamén é necesario contar cun elemento que permita que os numerosos deportistas do Club Náutico Pontecesures pidan embarcar sen necesidade de camiñar pola marxe do río, como están a facer ata agora.

-Débense concretar os equipamentos e espazos libres nos terreos da fase II que aparecen como parcelas, en coordinación co instrumento urbanístico que corresponda.

-Faise constar que parte da actuación prevista afecta a terreos do Concello de Valga (aínda que están no termo municipal de Pontecesures).